Միակ բանը, որ Քոչարյանը Հայաստանում պետք է կրի, պատիժն է

Հնարավոր արտահերթ ընտրություններին իր մասնակցության մասին «Որոշ ներգրավվածություն ունեմ նաև ես՝ հանդիպումների ձևով, մտքերի փոխանակման ձևով։ Ինչո՞ւ ես ավելի ակտիվ չեմ ներգրավվել։ Պետք է ազնիվ լինեմ՝ պատճառը հետևյալն էր․ «Իմ քայլը» խմբակցության համար ես մի մարդ եմ, որին իրենք երկու տարի պահել են բանտում և, իրենց մտածելով, ինձ իշխանություն տալու պարագայում ես սուրը հանելու եմ և աջուձախ վրեժխնդիր եմ լինելու իրենց հետ։ Մինչև այսօր դա են ասում, սրսկում իրենց ուղեղները։ Այդ մարդիկ այդպես են մտածում, որովհետև հավանաբար իրենք այդպիսին են։ Պատճառը նաև դա էր, որ ես ինձ հեռու պահեցի այդ գործընթացներից, որ այդ նույն գործոնը չօգտագործվի այդ 20, 25, 30 պատգամավորներին վախեցնելու համար։ Տրամաբանական էր»։ Քոչարյանի խոսքով՝ եթե գործող իշխանություններն այնուամենայնիվ չեն հասկանում, որ ներկայիս պայմաններում ընտրությունները վտանգավոր են երկրի համար, և այնուամենայնիվ գնան այդ քայլին, ինքը մասնակցելու է․ «Ընտրություններում իրենց մենակ թողնել հանրության հետ, չեմ կարծում, որ ճիշտ է։ Դրա համար այո՛, մասնակցելու ենք և կրելու ենք»։ Թեմայի շուրջ «Առաջին լրատվական»-ը զրուցել է Հանուն Հանրապետության կուսակցության ղեկավար մարմնի անդամ Ռոբերտ Ղևոնդյանի և Քաղաքացիական պայմանագիր կուսակցության հանրային կապերի պատասխանատու Վահագն Ալեքսանյանի հետ: