Վաշինգտոնը և Տոկիոն 2015 թվականին գաղտնի համաձայնության են հասել, ըստ որի Ճապոնիայի Ինքնապաշտպանության ուժերի ամֆիբիական ստորաբաժանումները կարող են տեղաբաշխվել ԱՄՆ-ի ծովային հետևակի՝ Ճապոնիայի Օկինավա կղզու հյուսիս – արևելքում գտնվող Քեմփ Շվաբ ռազմակայանում: Հունվարի 25-ին այդ մասին հայտնել է Kyodo գործակալությունը: Նշվում է, որ համաձայնությունը ձեռք է բերվել առանց Ճապոնիայի պաշտպանության նախարարության քաղաքացիական աշխատակիցների գիտության, ինչը խախտում է երկրում գործող քաղաքացիական վերահսկողության սկզբունքները:
Ի վերջո ծավալման պլանն այդպես էլ չի կենսագործվել, սակայն Ճապոնիայի Ինքնապաշտպանության ուժերի ղեկավարությունը դրանից չի հրաժարվել Երկու կողմն էլ նախկինի պես կարծում են, որ Քեմփ Շվաբը կարող է իդեալական վայր դառնալ ճապոնիայի ամֆիբիական ստորաբաժանման տեղաբաշխման համար, որն ստեղծվել է ԱՄՆ-ի ծովային հետևակի օրինակով: Դա թույլ կտար ավելի հաճախակի անցկացնել համատեղ զորավարժություններ և դեսանատավորման վարժանքներ:
Ճապոնիայի համար Օկինավայում այդ ուժերի տեղաբաշխումն ունի ռազմավարական նշանակություն՝ հաշվի առնելով Չինաստանաի հետ տարածքային վեճը Արևելաչինական ծովում Սենկակու (Դյաոյույդաո) կղզիների շուրջը: Ճապոնիայում շարժունակ ամֆիբիական ուժերն ստեղծվել են 2018 թվականի ապրիլին: Այժմ երկու գնդերը, որոնք տեղաբաշխված են երկրի հարավ – արևելքում՝ Նագասակիում, ներառում են շուրջ 1,3 հազար մարտիկիներ: Նրանց գլխավոր խնդիրը պետք Է դառնա պաշտպանությունն, ինչպես նաև Կյուսյուի և Տայվանի մեջև ճապոնական հեռավոր կղզիների վերադարձը հնարավոր հակառակորդի կողմից դրանք գրավելու դեպքում: Առաջիկա տարիների ընթացքում ստորաբաժանումը կընդլայնվի մինչև 2 հազար մարդ, նաև դրա տնօրինությանը կստացվեն MV-22 Osprey 17 կոնվերտոպլան և ավելի քան 50 ամֆիբիա ավտումոբիլ։
