Washington Post պարբերականը հաղորդում է, որ ԱՄՆ կառավարական կառույցների դեմ վերջերս կատարված կիբերհարձակումների հետևում ենթադրաբար կանգնած են Ռուսաստանի արտաքին հետախուզական ծառայության հետ կապ ունեցող հաքերները:
Պարբերականի համաձայն, այս խմբերն են կանգնած նաև FireEye ընկերության տվյալների գողության հետևում: Դեկտեմբերի 12-ին Սպիտակ տանը տեղի ունեցավ ԱՄՆ Ազգային անվտանգության խորհրդի արտակարգ նիստ՝ կապված կիբերհարձակման հետ, որի ընթացքում հաքերները զգալի քանակությամբ տվյալներ էին հափշտակել Ֆինանսների նախարարությունից և Հեռահաղորդակցության և տեղեկատվության վարչությունից: Հարձակման հետևում անանուն օտար պետություն է կանգնած, գրել էր Reuters-ը:
