Այսօր՝ դեկտեմբերի 10-ին, Ազգային ժողովում շարունակվում է հերթական նիստը: Այժմ քննարկվում է Հաշվեքննիչ պալատի անդամի ընտրության հարցը: ԱԺ Ֆինանսավարկային հարցերի հանձնաժողովը այդ պաշտոնում պաշտոնում առաջադրել է Կարեն Առուստամյանի թեկնածությունը:
«Ես այնքան լավատես չեմ, որքան «Իմ քայլը» խմբակցությունը, որովհետև կարծում եմ, որ մենք ֆունդամենտալ խնդիրներ ունենք Հաշվեքննիչ պալատում»,- հայտարարեց անկախ պատգամավոր Արման Բաբաջանյանը:
«Պարոն Ատուստամյան, ձեզ ի՞նչ է հայտնի 2017-18թթ. չինական 25 մլն-անոց վարկի մասին, որի վերաբերյալ հարուցված է քրգործ: Այդ գործով անցնում են Գագիկ Խաչատրյանը և նրա տեղակալը: Նրանք ձեռք են բերել մաքսային ծառայության կարիքներից չբխող` մոտ 2.2 մլրդ դրամ արժողությամբ 8.900 էլեկտրոնային կողպեք: Մինչև 2019 թվականը նշյալ մարմիններն օգտագործել են ընդամենը 251-ը, այսինքն` ահռելի չափով վատնում է տեղի է ունեցել»,- նշեց պատգամավորը:
«Ձեզ ի՞նչ է հայտնի ռուսական 16 մլն դոլարի դրամաշնորհից: Այս դրամաշնորհի վերաբերյալ մեկ այլ քրգործ է հարուցվել, որով կրկին անցնում է Գագիկ Խաչատրյանը: Պարոն Առուստամյան, ես պնդում եմ, որ ձեզ հայտնի է եղել չինական վարկի և ռուսական դրամաշնորհի բոլոր ապօրինի գործարքների մասին, արդյոք քերաիրավական բնույթի խախտումներ չե՞ք տեսել և հայտնե՞լ եք պետությանը այս խոշոր չափերի հասցված վնասների մասին: Տպավորություն ունեմ, որ ոչ մի միջոց էլ ձեռք չեք առել, որովհետև Հաշվեքննիչ պալատը մաֆիական կաստա է, և մեկդ մյուսին պահելու սովորություն ունեք»,- ասաց Բաբաջանյանը:
Նրա խոսքով` Հաշվեքննիչ պալատը ղեկավարում են մեծամասամբ նախկին կոռումպացված համակարգի բարքերն ու աշխատաոճը կրող պաշտոնյաներ. «Երկու տարի այս խորհրդարանին ներկայացվում են անորակ հաղորդումներ»:
Մանրամասն՝ տեսանյութում:
