Այսօր՝ նոյեմբերի 26-ին, Ազգային ժողովում հրավիրվել է արտահերթ նիստ: Քննարկվում է Ռազմական դրության ռեժիմը վերացնելու մասին որոշումը ընդունելու մասին հարցը:
«Անընդհատ սուտ է խոսվել` պատերազմից առաջ, պատերազմի ընթացքում, նաև հիմա` այս ամբիոնից»,- հայտարարեց ԼՀԿ խմբակցության ղեկավար Էդմոն Մարուքյանը:
Նրա խոսքով` վարչապետը մինչ պատերազմը ոչ մի խորհրդակցություն չի արել ընդդիմադիր խմբակցությունների հետ. «Աժ նիստը չէր այն տեղը, որտեղ պետք է քննարկվեր, թե կարող է կռիվը կանգնեցնենք: Սա է ձեր ամբողջական մանիպուլյացիան: Ամբիոնից հա ասում էիք` սաղ լավ ա. մեկը ես հավատացել եմ մեր արտգործնախարարին: Ավելին ասեմ` ես տպավորություն ունեմ, որ պատերազմը պրովոկացվել է իշխանության կողմից: Էդ ինչ արտգործնախարար եք նշանակել մի շաբաթով»:
Մարուքյանն ընդգծեց. «Չեք կարող այս բեռը գցել ԼՀԿ-ի, ԲՀԿ-ի, արտախորհրդարանական ուժերի վրա: Դուք իշխանություն չունեք: Բա պիտի անվստահության գործընթաց անենք, բա ինչ պիտի անենք, բա թողնենք էղա՞ծն էլ վարի տաք: Նախկինները չեն գալու, բայց դուք էլ չեք մնալու. ես չեմ թողնելու, որ նախկինները գան»:
Մանրամասն՝ տեսանյութում:
