Այսպիսի ելքը բազմիցս կանխատեսված էր: Նորություն չէ, որ Լևոն Տեր-Պետրոսյանը 1998թ. ոչ միայն ԵԱՀԿ Մինսկի խմբի այդ ծրագրին էր հավանություն տվել, այլ նաև հոդվածով բացատրել էր, թե մերժելու դեպքում ինչ է տեղի ունենալու: Անդրադառնալով Արացախի հարցով որոշման հայտարարությունից հետո ստեղծված իրավիճակին՝ «Առաջին լրատվական»-ի հետ զրույցում այս մասին ասաց ԱՄՆ Լիհայի համալսարանի պրոֆեսոր Արման Գրիգորյանը:
Նա նաև հավելեց, որ ցավոք այդ հոդվածի կանխատեսումներն իրականացել են: «Եվ այդպիսի կանխատեսումներ արել էին նաև Վանո Սիրադեղյանը, նաև ես… Վերջին իրադարձությունները և պատերազմը ցույց տվեցին, որ ոչ մի զիջում չանելու քաղաքականությունը ավելի վտանգեց մեզ, քան եթե մենք որպես անվտանգության գոտի ծառայող տարածքները փոխանակեինք ինչ-որ բանի հետ»:
«Մենք ավելին կարող էինք անել պաշտպանված լինելու համար: Օրինակ՝ ես ապշած եմ, որ հարթավայրային չորս շրջանում մենք չունեինք ֆորտիֆիկացիաներ, այլ այնտեղ միայն դաշտային խրամատներ էին: Եթե այդ ֆորտիֆիկացիաները լինեին Ադրբեջանի առաջխաղացումը շատ ավելի էր դժվարանալու»,- նշեց պատմաբանը:
Նրա խոսքով՝ Ապրիլյան պատերազմից հետո երաշխիքներ կարելի էր ստանալ և ավելի անվտանգ դարձնել Ղարաբաղը, քան այդ տարածքներից կառչելն էր:
Արման Գրիգորյանի դիտարկմամբ՝ «անջատում հանուն փրկության» դոկտրինը այս պատերազմից հետո ավելի ուժեղացել է:
Մանրամասն՝ տեսանյութում:
