Հունաստանի վարչապետ Կիրիակոս Միցոտակիսը հայտարարել է, որ կորոնավիրուսի համավարակի հետ կապված՝ մեկ ամսով փակ կլինեն հասարակական սննդի հաստատությունները, բարերը, թանգարանները, թատրոնները: Քաղաքացիները պարտավոր են ամենուր դիմակներ կրել:
Այնուամենայնիվ, արդյունաբերությունը, մանրածախ վաճառքը և դպրոցները կշարունակեն գործել ամբողջ հանրապետության տարածքում: Բացի այդ, կաշխատեն որոշ ծառայություններ, ինչպիսիք են հյուրանոցները և վարսավիրանոցները:
Վարչապետը նոր միջոցառումների մասին հայտարարել է հեռուստատեսային ուղերձում: Այն հեռարձակել է Հունաստանի ERT հանրային հեռուստատեսությունը:
