«Այս վճռական պահին մենք չենք ընկրկի, որովհետև սա ճակատագրական պատերազմ է մեր ժողովրդի համար: Սա մեր համազգային համախմբման կուլմինացիան է, և այս կուլմինացիան պետք է պսակվի մեր կոնկրետ ազգային նպատակների իրագործմամբ: Հայ ժողովրդին հնարավոր չէ կոտրել, հայ ժողովրդին հնարավոր չէ վախեցնել, հայ ժողովրդին հնարավոր չէ հաղթել: Մենք կանգնելու ենք մինչև վերջ, մենք պայքարելու ենք մինչև վերջ, և այդ վերջի անունն է ազատ և երջանիկ Արցախ, ազատ և երջանիկ Հայաստան»,- այսօր իր ուղերձում ասել է ՀՀ վարչապետ Նիկոլ Փաշինյանը:
Թեմայի շուրջ «Առաջին լրատվական»-ը տեսակապով զրուցել է 1994-98թթ ղարաբաղյան բանակցային գործընթացում Հայաստանի պատվիրակության անդամ, ԱՄՆ նախկին փոխդեսպան Արմեն Խարազյանի հետ:
ՌԴ արտգործնախարար Ս. Լավրովի՝ մի քանի լրատվամիջոցների ներկայացուցիչների հետ զրույցում արված հայտարարությունները բուռն քննարկումների տեղիք տվեցին հայկական հանրային հարթակներում: Լավրովը մասնավորապես նշում էր, որ հրադադարի պահպանման և ռուս դիտորդների անհրաժեշտություն կա: Խոսվեց նաև լավրովյան պլանի՝ 5 շրջանների, այնուհետև 2 շրջանների վերադարձի մասի: Ինչո՞ւ է Ռուսաստանը առաջ տանում լավրովյան այս տխրահռչակ պլանը:
Արմեն Խարազյանն այս հարցի վերաբերյալ ներկայացրեց իր դիտարկումները՝ ընդգծելով, որ այս հակամարտության կարգավորման ուղղությամբ Լավրովի այսօրվա հայտրարության և ՌԴ ավանդական մոտեցումների մեջ մեծ տարբերություն չի տեսնում:
«Սրություն և հրատապություն կա հարցի մեջ, որը պայմանավորված է ընթացող մարտական գործողություններով և դրանց հետևանքներով…
ՀՀ-ն անվտանգության լրջագույն խնդրի առաջ է կանգնած. անհասկանալի է՝ էլ ինչ է պետք, որպեսզի գործի ռուսական ռազմաբազան»,- նշեց Արմեն Խարազյանը:
Մանրամասն՝ տեսանյութում:
