Borna լրատվական գործակալության հաղորդմամբ, Հասան Ռոհանին չորեքշաբթի կառավարության նիստում կոչ է արել բոլոր պաշտոնյաներին աշխատել կրկնակի ուժով և կարողություններով՝ ժողովրդին ծառայելու գործում իրենց պարտականությունները կատարելու և առաջ տանելու համար:
Նախագահը անցած տարվանից թշնամու կողմից պարտադրված տնտեսական պատերազմը, ջրհեղեղները 25 նահանգներում և կորոնավիրուսի բռնկումը համարել է երեք մեծ փորձություն ժողովրդի, պաշտոնյաների և երկրի ղեկավարների համար և շեշտել է, որ երկրի ժողովուրդը և պաշտոնյաները հպարտորեն են դուրս եկել ստեղծված իրավիճակից:
Շնորհավորելով Իրանի ժողովրդին հոկտեմբերի 18-ին զենքի ռեպրեսիվ էմբարգոն վերացնելու կապակցությամբ, Հասան Ռոհանին ասել է. «Այս 10-ամյա ռեպրեսիվ էմբարգոն կվերացվի կիրակի, հոկտեմբերի 18-ին, ժողովրդի դիմադրության և մեր երկրի դիվանագետների ջանքերի շնորհիվ, չնայած ԱՄՆ-ի 4 տարվա ջանքերին»:
Նախագահը հավելել է, որ զենքի էմբարգոն հաջողվել է չեղարկել JCPOA-ի (միջուկային գործարքի) շնորհիվ: Նա նշել է, որ կիրակի օրվանից Թեհրանը կարող է զենք գնել և վաճառել, և սա «խոհեմության և հույսի» կառավարության ձեռնարկած միջոցառումներից մեկն էր:
