Հայաստանի և Ադրբեջանի միջև հրադադարի մասին համաձայնագրերը Ղարաբաղում երկարատև զինադադարի հաստատման առաջին քայլը կդառնան: Այս մասին ՌԻԱ Նովոստիին հայտաարարել է Եվրասիայում հակամարտությունների կարգավորման ԱՄՆ նախկին հատուկ ներկայացուցիչ Քերի Քավանոն:
Նա կողմերի հայտարարած հրադադարը «շատ հուսադրող քայլ» է որակել։ «Հաջորդ քայլը ավելի լայն քննարկումն է այն մասին, թե ինչպես պահպանել իրական, ավելի կայուն հրադադարը», – ավելացրել է Քավանոն:
Նա հույս է հայտնել, որ հաջորդ շաբաթ Մոսկվայում ավելի աշխույժ բանակցություններ կսկսվեն, և ժամանակի ընթացքում քննարկումը հնարավոր կլինի կենտրոնացնել ոչ միայն հրադադարի, այլև հակամարտության կարգավորման վրա: «Դա արագ չի լինի: Նման բարդ մարտերից հետո շատ դժվար է փոխզիջումային լուծում ստեղծելը», – եզրափակել է նա:
