Ուսանողները, որոնք դուրս են մնացել ուսումնական հաստատություններից ուսման վարձը վճարել չկարողանալու պատճառով, բողոքի ցույց են անցկացնում Վրաստանի մայրաքաղաքում. նրանք հավաքվել են Վրաստանի կրթության նախարարության շենքի մոտ՝ հայտնում է «Ռուսթավի 2» -ը:
Ակցիայի մասնակիցների խոսքով՝ կորոնավիրուսի համավարակով պայմանավորված ֆինանսական խնդիրների պատճառով նրանք այլևս չեն կարող վճարել իրենց ուսման համար:
Ցույցի մասնակիցների պաստառներին գրված է՝ «Ուսանող՝ հանուն ապագայի», «Հանուն ժողովրդավարական ապագայի» և այլն: Ցարարները հույս ունեն, որ պետությունը նրանց հարցում զիջումների կգնա:
«Տասնյակ հազարավոր ուսանողներ մնացել են առանց ուսման՝ ֆինանսական պարտքի պատճառով: Սա պետական խնդիր է, և փոխհատուցումների համար գումար ծախսելու փոխարեն ավելի լավ է ծախսել դրանք այն ուսանողների վրա, որոնց կարգավիճակը կասեցված է», – ասել է ցուցարար Իրակլի Պավլենիշվիլին:
Սպասվում է, որ կրթության նախարարի տեղակալը կհանդիպի ցուցարարների հետ:
