Թուրքիայի նախագահ Ռեջեփ Թայիփ Էրդողանը Սուրբ Սոֆիայի տաճար իր այցից լուսանկարներ է հրապարակել Twitter-ի իր էջում:
Կադրերում երևում է, որ տաճարը մզկիթի վերափոխելու շինարարական աշխատանքներ են ընթանում:
Ավելի վաղ Էրդողանը հրամանագիր է ստորագրել տաճարին մզկիթի կարգավիճակը տալու վերաբերյալ՝ չեղարկելով Թուրքիայի իշխանությունների 1934թ.-ի համապատասխան որոշումը:
Սուրբ Սոֆիայի տաճարը հիմնադրվել է բյուզանդական կայսր Հուստինիանոսի կողմից և բացվել է 537 թվականին: Տաճարն աշխարհի ամենամեծ քրիստոնեական եկեղեցին է եղել ավելի քան հազար տարի, իսկ 1453 թվականին Կոստանդնուպոլսի անկումից հետո թուրքերն այն մզկիթի են վերածել:
1934թ.-ին ժամանակակից Թուրքիայի հիմնադիր Քեմալ Աթաթուրքը մզկիթը թանգարանի վերածելու մասին հրաման է ստորագրել: Մի քանի տասնամյակ անց այն ընդգրկվել է ՅՈՒՆԵՍԿՕ-ի համաշխարհային ժառանգության ցանկում:
