Մենք պրոակտիվ ենք․ հարևան երկիրը շոկային վիճակում է․ Մխիթար Հայրապետյան

«Այն պահից սկսած, երբ ադրբեջանական կողմի հրահրմամբ սկսվեցին բախումներ հայ-ադրբեջանական սահմանին, հենց այդ պահից ի վեր ինչպես ՀՀ Արտաքին գործերի նախարարությունից բոլոր խողովակներով, նույնպես և ԱԺ խորհրդարանական դիվանագիտության համար պատասխանատու պատգամավորները գործի են անցել։ Արդեն երրորդ օրն է, ինչ ամենժամյա ռեժիմով մեզնից յուրաքանչյուրն իր ուղղությամբ աշխատում է։ Բազմաթիվ երկրներից պատգամավորների, բարեկամական խմբերի ղեկավարների, անգամ ԱԺ նախագահի մակարդակով հայանպաստ հայտարարություններ են արվել, օբյեկտիվ հայտարարություններ։ Այսինքն՝ մեր կոլեգաները սատարում են Հայաստանին, կոչերով են հանդես եկել և զսպվածության կոչեր են արել ադրբեջանական կողմին», – «Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր, ԱԺ գիտության, կրթության, մշակույթի, սփյուռքի, երիտասարդության և սպորտի մշտական հանձնաժողովի նախագահ Մխիթար Հայրապետյանը։