Թուրքիայի գերագույն դատարանը որոշում է կայացրել, որ Ստամբուլում գտնվող Սուրբ Սոֆիայի տաճարի կարգավիճակը կարող է փոխվել պետության ղեկավար Ռեջեփ Թայիփ Էրդողանի հրամանով, հայտնում է հունական Оrthodox Times պարբերականը:
Դատավորները կարծում են, որ Թուրքիայի առաջին նախագահ Մուսթաֆա Քեմալ Աթաթուրքի տաճարին թանգարանի կարգավիճակ շնորհելու մասին 1934թ.-ի հրամանը մնում է օրինական, սակայն գործող նախագահն այդ կարգավիճակը փոխելու վերաբերյալ որոշում կայացնելու իրավունք ունի:
Թուրքական լրատվամիջոցները ենթադրում են, որ առաջին մահմեդական ծառայությունը Սոֆիայում կարող է տեղի ունենալ հուլիսի 15-ին:
Ստամբուլում գտնվող Սուրբ Սոֆիայի տաճարի ապագայի վերաբերյալ հերթական բանավեճը սկսվել է այն բանից հետո, երբ մայիսի 29-ին, Կոստանդնուպոլսի անկման տարելիցին, տաճարում Ղուրան է ընթերցվել: Ավելի ուշ Էրդողանը հանձնարարել է դիտարկել Սոֆիան մզկիթի վերածելու հնարավորությունը:
1985թ.-ից Սուրբ Սոֆիայի տաճարն ընդգրկվել է ՅՈՒՆԵՍԿՕ-ի Համաշխարհային ժառանգության ցուցակում: