Այսօր՝ ապրիլի 29-ին, Ազգային ժողովում շարունակվում է արտահերթ նիստի աշխատանքը: Շարունակում է քննարկվել 2020թ. ՀՀ բյուջեում փոփոխություն և լրացումներ կատարելու նախագիծը:
«Ես կիսում եմ այն կարծիքը, որ պարոն Մարուքյանի առաջարկը պոպուլիստական էր, շահարկում էր և հատուկ արված էր նրա համար, որպեսզի այն մերժվի: Ես համոզված եմ` եթե դուք այսօր ասեիք, որ ուզում եք թոշակառուներին գումար տաք, պարոն Մարուքյանը բազմաթիվ փաստարկներ կբերեր, թե ինչու դա չի կարելի անել: Եվ եթե մենք այսօր իրականացնենք պարոն Մարուքյանի առաջարկը և մի քանի ամիս հետո կոլապսի մեջ հայտնվենք, պարոն Մարուքյանը շատ հիմնավոր կբացատրի, թե ինչքան մեղավոր ենք մենք: Բայց քանի որ մեր քաղաքացիներից շատերը մասնագետ չեն, խնդրում եմ պարզ, մատչելի լեզվով բացատրեք, թե ինչու պարոն Մարուքյանի առաջարկը տրամաբանական չէ, և ինչու է այն վտանգավոր»,- դիմելով ֆինանսների նախարար Ատոմ Ջանջուղազյանին` ասաց «Իմ քայլը» խմբակցության պատգամավոր Միքայել Զոլյանը:
Մանրամասները՝ տեսանյութում:
