Մեծ Բրիտանիայի բնակիչները հանգստյան օրերին գնացել են պիկնիկի, այցելել լողափեր, անտեսելով իշխանությունների՝ կորոնավիրուսի հետ կապված նախազգուշական միջոցներ ձեռնարկելու կոչերը, հայտնում է Sky News-ը:
Վարչապետ Բորիս Ջոնսոնը և բրիտանական այլ քաղաքական գործիչներ հորդորեցին բնակիչներին տանը մնալ, չնայած լավ եղանակին, և մտածել կորոնավիրուսի դեմ պայքարող բժիշկների մասին:
Մեծ Բրիտանիայում հանգստյան օրերին եղանակը պարզ է, օդը տաքացել է մինչև +21 աստիճան ըստ Ցելսիուսի: Շաբաթ՝ ապրիլի 4-ին, երկրում վերջին վեց ամսվա ամենատաք օրն էր: