Ավելի վաղ չինական թեստերից հրաժարվել են Իսպանիան եւ Վրաստանը: Թեստերը դեռ օգտագործում են Ուկրաինայում:
Թուրքիան հրաժարվել է COVID-19-ի չինական թեստերից, ենթադրաբար այդ նույն թեստերից արդեն հրաժարվել են Իսպանիան եւ Վրաստանը: Այս մասին հաղորդում է Middle East Eye-ը:
«Մենք ընկերությունից որոշակի քանակության թեստեր ենք ստացել եւ պարզել ենք, որ նրանք այնքան էլ վստահելի չեն, այդ պատճառով էլ պատվիրել ենք չինական այլ արտադրողից»,- պարբերականին ասել է կառավարության աղբյուրը:
Պաշտոնյան ասել է, որ թեստերը հիվանդանոցներում չեն օգտագործվել: Տեղեկությունը հաստատվել է նաեւ կառավարությունից: Թուրքիան 350 հազար թեստ է գնել ավելի վստահելի արտադրողից:
«Մենք փորձարկել ենք, նրանք չեն աշխատում: Իսպանիան սխալվել է դրանք օգտագործելով»,- հայտարարել է Թուրքիայի ԱՆ անդամը եւ ավելացրել, որ թեստերը ճիշտ են եղել միայն 30-35 տոկոսով:
Աղբյուրը չի նշել արտադրողին, սակայն հնարավոր է, որ խոսքը գնում է Shenzhen Bioeasy Biotechnology-ի թեստերի մասին, որոնցից արդեն հրաժարվել են Իսպանիան եւ Վրաստանը:
Ինչպես հայտնի է, Իսպանիան Չինաստանին է վերադարձրել անորակ թեստերը:
