Միացյալ Նահանգների կրթության նախարարությունը Հարվարդի համալսարանից պահանջել է տեղեկատվություն տրամադրել Ռուսաստանի, Չինաստանի, Իրանի, Սաուդյան Արաբիայի, Կատարի և այլ երկրների հետ հնարավոր կապերի մասին։ Այս մասին հաղորդում է The Wall Street Journal-ը։
Նշվում է, որ ԱՄՆ-ը մտադիր է տվյալներ ստանալ «Սկոլկովո» հիմնադրամի և «Կասպերսկիի լաբորատորիայի», Huawei և ZTE ընկերությունների և այլ կառույցների հետ համալսարանի հնարավոր կապերի մասին։
Բացի այդ, պարբերականի տվյալներով, ԱՄՆ Կրթության նախարարությունում կարծում են, որ Եյլի համալսարանը չի տեղեկացրել իշխանություններին 2017-2017 թվականների ընթացքում այլ երկրներից մոտ 375 մլն դոլարի չափով միջոցների ստացման մասին։ Նշվում է, որ ԱՄՆ-ում արդեն տասնյակ տարիներ բուհերի պարտավորության մասին օրենք է գործում՝ տեղեկացնել ամերիկյան իշխանություններին արտասահմանյան կառույցներից տարվա ընթացքում 250 հազար դոլարը գերազանցող նվերներ ստանալու, կամ նրանց հետ այդ կամ դրանից ավելի մեծ գումարի չափով պայմանագրեր կնքելու մասին։
