Թուրքիայի նախագահ Ռեջեփ Թայիփ Էրդողանը հայտարարել է, որ Անկարան թույլ չի տա, որ ԱՄՆ-ի նախագահ Դոնալդ Թրամփի առաջարկած «Դարի գործարք»-ը իրականություն դառնա: Այս մասին Էրդողանը նշել է Կուալա Լումպուրում կայացած «Իսրայելի զավթողականության դեմ պայքարի ակտիվ ռազմավարություն» խորագրով կոնֆերանսի ընթացքում:
«Պաղեստինը տարիներ շարունակ բռնազավթվել ու ավերվել է: Իսրայելն անօրինական ճանապարհով հասել է այսօրվա սահմաններին: Թուրքիան չի կարող լուռ մնալ Երուսաղեմի անեքսիայի կապակցությամբ ու միայնակ թողնել պաղեստինցի եղբայրներին այս պայքարում: Երուսաղեմը մեր կարմիր գիծն է»,- ասել է Թուրքիայի նախագահը՝ հավելելով, որ իսլամական երկրների պարտքն է պաշտպանել Երուսաղեմում գտնվող Ալ-Աքսայի մզկիթը, տեր կանգնել Երուսաղեմին և պաշտպանել պաղեստինցիների իրավունքները: