«Ռոսիա սեգոդնյա» ՄԻԳ-ի և RT հեռուստաալիքի գլխավոր խմբագիր Մարգարիտա Սիմոնյանն ընդգրկվել է ռուսական «Առաջին ալիքի» տնօրենների խորհրդի թեկնածուների ցուցակում, հաղորդում է «ՌԻԱ Նովոստին»՝ հղում անելով կառավարության հրամանին:
Ընտրվելու դեպքում նա խորհրդում կներկայացնի Ռուսաստանի Դաշնությունը:
Կառավարության կողմից կազմված ցուցակում են նաև «Առաջին ալիքի» գլխավոր տնօրեն Կոնստանտին Էռնստը, կառավարության փոխնախագահ Լեոնիդ Լևինը, ՌԴ նախագահի փորձագիտական վարչության ղեկավար Վլադիմիր Սիմոնենկոն, ՄՄՀՊԻ-ի ռեկտոր Անատոլի Տորկունովը, «Մոսֆիլմ»-ի գլխավոր տնօրեն Կարեն Շահնազարովը և «Առաջին ալիք»-ի գլխավոր տնօրենի տեղակալ Կիրիլ Կլեյմենովը:
Առաջարկ է եղել խորհրդի կազմում որպես անկախ տնօրեններ ընդգրկել դերասան Միխայիլ Բոյարսկուն և դաշնակահար Դենիս Մացուևին:
Աուդիտորական հանձնաժողովի կազմում առաջադրվել են «Ավտոպրոմիմպորտի» գլխավոր տնօրեն Եվգենի Կազանովը, ՌԴ պետական գույքի կառավարման դաշնային գործակալության ղեկավարի տեղակալ Օլգա Ռյազանովան և հեռահաղորդակցության և կապի նախարարության փոխտնօրեն Գենադի Տրուբիցինը:
