Չինական կողմը ցուցաբերում է բոլոր անհրաժեշտ օժանդակությունը` կորոնավիրուսի տարածման պատճառով Ուհանում ԱՄՆ գլխավոր հյուպատոսության դիվանագետների տարհանման համար, հայտնում է «ՌԻԱ Նովոստին»։
Reuters-ը ավելի վաղ հայտնել էր, որ ԱՄՆ Պետդեպարտամենտը հայտարարել է Չինաստանի Վուհան քաղաքից կորոնավիրուսի բռնկման պատճառով հյուպատոսական անձնակազմի տարհանման մասին: Հաղորդվում էր, որ ԱՄՆ քաղաքացիները հունվարի 28-ին Ուհանից կթռչեն Սան Ֆրանցիսկո: Քանի որ տեղերի քանակը սահմանափակ է, առաջնահերթությունը կտրվի այն անձանց, որոնց վարակվելու հավանականությունը «ավելի մեծ է»:
2019 թվականի դեկտեմբերի 31-ին, Չինաստանի իշխանությունները Առողջապահության համաշխարհային կազմակերպությանը տեղեկացրին անհայտ թոքաբորբի բռնկման մասին Ուհան քաղաքում, որը գտնվում է երկրի կենտրոնական մասում: Մասնագետները պարզել են հիվանդության հարուցիչը 2019-nCoV կորոնավիրուսն է: Չինաստանի տարածքից դուրս վարակի դեպքեր են գրանցվել Հոնկոնգում, Մակաոյում, Թայվանում, Թաիլանդում, Ճապոնիայում, Հարավային Կորեայում, ԱՄՆ-ում, Կանադայում, Վիետնամում, Սինգապուրում, Նեպալում, Ֆրանսիայում, Ավստրալիայում և Մալայզիայում:
Ըստ վերջին պաշտոնական տվյալների՝ միայն Չինաստանում հայտնի է 1975 վարակվածների մասին, որոնցից 56-ը մահացել են:
