Լոնդոնի ոստիկանությունը Էկվադորի դեսպանատան մոտ շուրջօրյա հերթապահության վրա, որտեղ երկու տարի շարունակ թաքնվում է WikiLeaks կայքի հիմնադիր, ավստրիացի Ջուլիան Ասանժը, արդեն 5,9 միլիոն ֆունտ է ծախսել, ուրբաթ օր հաղորդում է Daily Mail-ը՝ հղում անելով գերատեսչության տվյալներին:
Շվեդիայի իշխանությունները WikiLeaks-ի հիմնադրին կասկածում են սեքսուալ հանցագործությունների մեջ և Բրիտանիայից պահանջում են նրան իրենց հանձնել: 41-ամյա Ասանժը, 2012 թ. հունիս ամսից թաքնվում է Էկվադորի դեսպանատանը, որը նրան քաղաքական ապաստան է տվել: Սակայն Բրիտանիան վճռականորեն է տրամադրված Շվեդիայի նկատմամբ իր պարտականությունների կատարման հարցում:
Պարբերականի տվյալներով՝ դեսպանատան մոտ հերթապահությունների վրա ոստիկանությունը օրական 11 հազար ֆունտ է ծախսում: Շենքի մոտ, որտեղ թաքնվում է ավստրիացին, երեք ոստիկան է հերթապահում։ Նրանք ոչ միայն մուտքն են հսկում, այլև հարցաքննում են բոլոր նրանց, ովքեր դեսպանատնից դուրս գալիս կարող են լինել WikiLeaks-ի ծպտված հիմնադիրը:
Լոնդոնի ոստիկանության ներկայացուցիչները հայտարարել են, որ հերթապահ ոստիկանները պատրաստ են ձերբակալել Ասանժին, հենց որ նա լքի դիվանագիտական ներկայացուցչությունը:
Ավելի վաղ Էկվադորի ԱԳ նախարար Ռիկարդո Փինթոն նախազգուշացրել էր, որ Ասանժը կարող է դեսպանատան տարածքում տասնյակ տարիներ մնալ, եթե նրան թույլ չտան անարգել դուրս գալ Բրիտանիայի սահմաններից: Ինքը՝ ավստրիացին, հերքում է իր հասցեին հնչած մեղադրանքները և դրանք Աֆղանստանում և Իրաքում պատերազմների մասին հրապարակած գաղտնի փաստաթղթերի պատճառով WikiLeaks-ի նկատմամբ սկսված կեղտոտ քաղաքականություն անվանում: Սկանդալային կայքի հիմնադիրը նախազգուշանում է, որ հենց ինքը հայտնվի Շվեդիայում, ԱՄՆ-ն կպահանջի Ասանժին իրեն հանձնել։
