Ազգային ժողովը Սահմանադրական դատարանի դատավորներին առաջարկում է՝ վաղաժամ հրաժարականի դեպքում լիարժեք աշխատավարձի պահպանում մինչև թոշակի անցնելը։ Այս առումով «Վերնատուն» հասարակական-քաղաքական ակումբը հայտարարություն է տարածել։
Ինչպիսի՞ն են ձեր դիտարկումները․ «Առաջին լրատվական»-ի հարցին արդարադատության նախկին փոխնախարար Տիգրան Խաչիկյանը պատասխանեց․ «Ես չեմ ուզում առանձնակի դիտարկումներ անել այդ հայտարարության վերաբերյալ, ես ուզում եմ պարզապես ներկայացնել իմ կարծիքը։ Դրա մասին ամենատարբեր հարթակներում ես բազմիցս բարձրաձայնել եմ, որ զուտ իրավական առումով այս նախագիծը խնդրահարույց է։ Խնդրահարույց է Վենետիկի հանձնաժողովի կողմից սահմանված իրավական դիրքորոշումների և առհասարակ այն արժեքների համակարգում, որոնք մենք հետապնդում ենք նմանատիպ փոփոխությունների իրականացմամբ։ Հիմքում դրված գաղափարը ամեն կերպ ձևակերպել Սահմանադրությամբ սահմանված նոր պահանջի կենսագործումը, որն առերևույթ կարող է գոյություն ունենալ, բայց դրա իրացման կենսաձևեր կան, դրա իրացման մեթոդաբանություն կա։ Սակայն այս նախագիծը չի համապատասխանում այդ մեթոդաբանությանը առնվազն երկու հատկանիշի մասով։
Ես ուզում եմ առանձնացնել Վենետիկի հանձնաժողովի կողմից առանձնացված այդ երկու մասով դիրքորոշումները։ Մեկը՝ կամավորություն, մյուսը այն, որ այս նախագծի իրացումը չպիտի ուղեկցվի Սահմանադրական դատարանի դատավորների մեծ թվով անդամների կողմից իրավունքից օգտվելու հնարավորությամբ։ Այս երկու արժեքները պահպանելու մասով նախագծում որևէ կարգավորում ամրագրված չէ»։
Մանրամասները՝ տեսանյութում։
