ԱՄՆ-ում 18-ամյա ավագ դասարանցի Պատրիկ Ֆարվեսը հեռացվել է դասերից համարձակ վարքի համար: Ավարտական երեկույթից կարճ ժամանակ առաջ նրա դպրոց է այցելել ներկայիս «Միսս Ամերիկան»՝ 25-ամյա Նինա Դավուլուրին: Երիտասարդը բեմ է բարձրացել ու պլաստիկե ծաղիկը ձեռքին՝ գեղեցկուհուն խնդրել իր հետ ժամադրվել՝ հայտնում է Mirror-ը:
Չամաչելով իր հասակակիցներից՝ Պատրիկը գեղեցկուհուն խնդրել է իր հետ ավարտական երեկույթի գնալ: Դահլիճը ցնծացել է ծափահարություններից:
Սակայն Նինա Դավուլուրին՝ շփոթվելով, տղայի առաջարկը քաղաքավարի մերժել է: Պատրիկն արժանապատվորեն հեռացել է բեմից, սակայն դպրոցի տնօրինությունը չի գնահատել նրա համարձակությունը:
Իր արարքի համար Պատրիկը մի քանի օրով հեռացվել է դասերից: Սակայն սա տղային քիչ է տխրեցրել: Նա ավելի շատ տխրել է, որովհետև «Միսս Ամերիկան» հրաժարվել է նրա հետ լուսանկարվել:
«Կարծում եմ՝ Նինա Դավուլուրին գնահատել է իմ կատակն ու չի նեղացել ինձնից»,- ասել է տղան:
