Հստակ է, որ գործարար Սամվել Ալեքսանյանը կամազներ է նվիրել Երևանի քաղաքապետարանին, դրանց քանակը, սակայն, պարզ չէ, լրագրողների հետ զրույցում ասաց Երևանի ավագանու «Լույս» խմբակցության ղեկավար Դավիթ Խաժակյանը՝ հույս հայտնելով, որ Ալեքսանյանի քաղաքական անցյալը չհիշող քաղաքային իշխանություններն այդ առումով պարզաբանումներ կներկայացնեն։
«Այն ուժը, որը յուրաքանչյուր նոր բեռնատարը նկարում և տարածում է, այսօր չի հայտնում՝ այդ մեքենաներն ումից են ստացվել և ինչի դիմաց։ Եթե ամիսներ շարունակ այս ինֆորմացիան պահել են, ես այստեղ խնդիր եմ տեսնում», – ասաց բանախոսը։
Խմբակցության մեկ այլ անդամ Անի Խաչատրյանը նշեց, որ շուրջ երկու տասնյակ մեքենաների նվիրատվության գործընթացն իրականացվել է գաղտնի, իրենք տարբեր մարդկանցից են իմացել այդ մասին։
