Հարավկորեական Samsung ընկերությունը չի հրաժարվում առանց Google-ի օպերացիոն համակարգի սմարթֆոնի հաջող մոդել ստեղծելու հույսերից: Մինչ հունիսի վերջ արտադրողը խոստանում է թողարկել նորույթ՝ սեփական Tizen օպերացիոն համակարգի հիման վրա: Այս մասին Reuters-ի հետ հարցազրույցում ասել է Samsung-ի արտադրական ռազմավարության գծով ավագ փոխնախագահ Յուն Հան Կիլը: Նրա խոսքով՝ սմարթֆոնը զինված կլինի առաջադեմ տեխնիկական առանձնահատկություններով:
Samsung-ը խոստացել էր Tizen սմարթֆոնը ցուցադրել դեռևս անցած տարի, սակայն խոստումն այդպես էլ չկատարեց: Յունը դա բացատրել է շուկայում առաջացած անբերանպաստ պայմաններով: Որոշվել է սարքը դուրս բերել ոչ թե ողջ աշխարհի շուկաներ, այլ առանձին երկրներ: Հավանաբար դրանք կլինեն Ասիայի և Լատինական Ամերիկայի զարգացող շուկաները:
Բացի այդ, Յունի խոքով՝ Samsung-ը մտադիր է ներկայացնել ևս մեկ «խելացի» ժամացույց: Ի տարբերություն սեփական ՕՀ-ով աշխատող Gear շարքի մոդելների, որոնք ներկայացվել էին փետրվարին Բարսելոնում, այս սարքը կաշխատի Google-ի Android Wear ՕՀ-ով: Ժամացույցի ներկայացման ամսաթիվը հայտնի չէ:
