Այսօր՝ նոյեմբերի 15-ին, Ազգային ժողովում շարունակում է քննարկվել 2020թ. բյուջեի նախագիծը:
«Քննադատությունների հիմնական թիրախը լավի և լավի միջև է: Կարևոր մեսիջը, սակայն, ոչ թե քանակական, այլ որակական գնահատականն է»,- հայտարարեց «Իմ քայլը» խմբակցության պատգամավոր Արտակ Մանուկյանը:
Անդրադառնալով տարատեսակ խմբակներին՝ նա նշեց, որ պիցցայի արդյունաբերությունը աճում է. «Դա ևս պայմանավորված չէ կառավարության քաղաքականության գործունեությամբ, և քննարկենք՝ աճի որ տոկոսն է պայմանավորված այդ խմբակների կողմից՝ տարբեր ֆինանսական ներարկումներով: Բայց ես չէի ուզի քննարկումն այս մակարդակի լիներ»:
Արտակ Մանուկյանի խոսքով՝ հեղափոխությունից հետո Հայաստանի տնտեսությունը շատ ավելի արագ տեմպերով է աճում, քան Վրաստանի տնտեսությունը:
«Այս բյուջեի նախագծում դրված է երկարաժամկետ շահ, որից վստահաբար օգտվելու են հաջորդ սերունդները»,- հավաստիացրեց Արտակ Մանուկյանը:
Պատգամավորն անդրադարձավ նաև նախորդ իշխանության կողմից քաղաքական նպատակներով Գյումրիին պատժելուն. «Հիմա նայեք՝ ոնց է շնչում Գյումրին. սա որակական փոփոխությո՞ւն է, թե՞ ոչ»:
Մանրամասները՝ տեսանյութում:
