Ֆլորենցիայում չինացի զբոսաշրջիկները մոռացել են իրենց որդուն Հռոմ մեկնող գնացքում՝ հայտնում է La Repubblica-ն:
Ծնողները որոշել են, որ հնգամյա երեխան ինքնուրույն լքել է գնացքը, ուստի նրան որոնել են Սանտա Մարիա Նովելլա երկաթուղային կայարանում: Բայց տղան գնացքից դուրս չի եկել, նա մնացել է գնացքում, որը նրան տարել է Հռոմ: Երեխան վախեցել է և չի կարողացել օգնություն խնդրել, քանի որ նա խոսում է միայն չինարեն։
Ֆլորենցիայի երկաթուղային կայարանում ոստիկանության ծառայողները կապ են հաստատել գնացքի ուղեկցորդի հետ, որը հայտնաբերել է երեխային վագոններից մեկում և հանձնել նրան Հռոմի Տերմինի երկաթուղային կայարանի ոստիկաններին։
Մինչ սպասում էին ծնողների ժամանմանը, ոստիկանները հոգ են տարել տղայի մասին, խաղացել են նրա հետ և նկարել:
