Piper Jaffray ներդրումային բանկի կողմից վերջերս կատարված ուսումնասիրության համաձայն՝ ամերիկացի դեռահասները ավելի զգույշ են սկսելվերաբերվել փողին։ 2018-ին նրանց ծախսերը նվազել են 4%-ով և միջինում կազմել են ամսական 198 դոլար: Սա ամենացածրն է 2011 թվականից ի վեր, երբ ծախսերը ամսական կազմում էին 186 դոլար:
Անցած 15 տարիների գագաթնակետերը գրանցվել են 2006 թվականին, երբ դեռահասների ամսական ծախսերը կազմում էին 252 դոլար, բայց 2008 թվականից ի վեր, երբ բռնկվեց համաշխարհային ֆինանսական ճգնաժամը, ծախսերը սկսեցին նվազել:
Ըստ վիճակագրության՝ իրենց բյուջեի մոտ մեկ քառորդը թե տղաները, թե աղջիկները ծախսում են սննդի վրա (23%):
Աղջիկներն ավելի շատ ծախսում են զգեստապահարանը թարմացնելու համար (27%, տղաները՝ 17%): Նույնիսկ ծախսերի ընդհանուր նվազման ֆոնին տեսախաղերը շարունակում են մնալ երիտասարդների համար ամենակարևոր ծախսային առարկաներից մեկը. նրանց վերաբերող ծախսերը տղաների շրջանում մասնաբաժնի առումով առաջին եռյակում է (13%):
Աղջիկների համար տարվա ընթացքում տեսախաղերի վրա ծախսերի մասնաբաժինը աճել է 1 տոկոսով մինչև 2%:
Աղջիկների ծախսերի առաջատար եռյակում դիմահարդարման միջոցներն են (15%): Միևնույն ժամանակ, տղաները ավելի շատ են ծախսում կոշիկների վրա (մասնաբաժինը կազմում է 10%՝ աղջիկների 8% -ի դիմաց):
