«Այդ հայտարարության մեջ մեկ մարդու անուն, որը, իհարկե, սպասված է, բայց հերթական անգամ հիշեցրեց մի դրված, Դավիթ Շահնազարյանի անունն է։ Ես շատ լավ եմ հիշում, թե ինչպես 2008-ի մարտի մեկից հետո պարոն Շահնազարյանը ստորագրահավաք էր անում, որպեսզի դիմեր Հագգայի քրեական դատարան՝ պնդելով, որ վերջինս մարդկության դեմ գործած հանցագործությունների հեղինակ է։ Ես նույնպես մասնակցել եմ այդ ստորագրահավաքին»,-մեզ հետ զրույցում ասաց ԱԺ պատգամավոր Արուսյակ Ջուլհակյանը՝ անդրադառնալով Քոչարյանի աջակիցների հայտարարությանը, որտեղ կա Դավիթ Շահնազարյանի անունը։
Պատգամավորը նշեց, որ ուզում է լրագրողները Դավիթ Շահնազարյանից ճշտեն, թե ինչ ճակատագիր ունեցավ նրա նախաձեռնությունը և այն ժամանակից ի վեր ինչ է փոխվել պարոն Շահնազարյանի կյանքում, որ մարդկության դեմ հանցագործություն գործած անձից հասել ենք հերոսի և քաղաքական հալածյալի։
