Ղրիմը Ռուսաստանին միացնելուց հետո աշխարհում սկսեց հետաքրքրություն առաջանալ պատմական քարտեզագրության նկատմամբ:
Գերմանիայի կանցլեր Անգելա Մերկելը Չինաստանի նախագահ Սի Ցզինպինին նվիրել է «Չինաստանի առաջին ճշգրիտ քարտեզը»՝ առանց Ներքին Մոնղոլիայի, Մանջուրիայի, Սինցզյանի, Թայվանի ու Տիբեթի՝ հայտնում է vestifinance.ru-ն:
Հնագույն քարտեզը հանձնվել էր չինացի առաջնորդին դեռ մարտի 28-ին՝ Բեռլինում նրա համաշխարհային շրջագայության ժամանակ:
«Նվեր՝ ակնարկով». ահա թե ինչպես են համաշխարհային ԶԼՄ-ները այն արդեն բնորոշել:
Առաջիններից մեկը, որ հայտնել է նվերի մասին, ամերիկյան Foreign Policy պարբերականն է՝ «Մերկել, քարտեզ, ուղե՞րձ Չինաստանին» հոդվածում:
Հոդվածում պնդում էին, որ Մերկելը իբր Սի Ցզինպինին է տվել «Չինաստանի քարտեզ, որը 1735թ. կազմել է ֆրանսիացի քարտեզագիր Ժան-Բատիստ Բուրինյոն դ’ Անվիլլեմը»: Սակայն դա այն քարտեզը չէ, որ նվիրել է Անգելա Մերկելը:
Իրականում Մերկելը Սի Ցզինպինին նվիրել է գերմանացի մաթեմատիկոս, աստղագետ ու քարտեզագիր Իոհան Մատիաս Հազեի կազմած քարտեզը, որը կազմվել է 1740թ.:
Մերկելի նվիրած քարտեզում Չինաստանը տեսել էր թաքնված ենթատեքստ: Ընդ որում՝ ըստ Մերկելի՝ դա Չինաստանի «առաջին ճշգրիտ քարտեզն է»:
Չինաստանում արդեն հնչել են «Տիբեթի ու Սինցզյանի անկախության շարժումը օրինականացնելու» մեղադրանքներ:
