Սիգարետ ծխողների մեծ մասը ավելի քիչ վնասակար այլընտրանք են փնտրում: Սակայն ի՞նչն է նրանց համար կարևոր գործընթացի և համի տեսակետից: Ի՞նչը կստիպի նրանց սիգարետից անցնել այլընտրանքային պրոդուկտի և հավատարիմ մնալ դրան:
Շատ սպառողներ ծանոթ են էլեկտրոնային սիգարետին, որը համաշխարհային շուկայում է արդեն մի քանի տարի: Չնայած նրան, որ պրոդուկտն իր ներկայիս ձևաչափով չի բավարարում անխտիր բոլոր ծխողների պահանջները, այն միևնույն է, ունեցել է նկատելի հաջողություն: Այնուամենայնիվ, նիկոտին մատակարարող պրոդուկտների ստեղծման ոլորտն այժմ արագ զարգացում է ապրում։ Այս պրոդուկտներն ապագայում կարող են հաջողությամբ փոխարինել սիգարետը շատ ավելի ցածր ռիսկի պայմաններում:
Ս.թ. սեպտեմբերի 11-ին ԱՄՆ նախագահ Դոնալդ Թրամփի վարչակազմը հայտարարեց, որ FDA-ը (ԱՄՆ-ի Սննդամթերքի և Դեղորայքի Վարչություն) պատրաստվում է մոտ ապագայում համալրել պրոդուկտների համապատասխանության իր քաղաքականությունը։ Մասնավորապես, ծխախոտի համ չունեցող էլեկտրոնային սիգարետի (այդ թվում՝ մենթոլ և անանուխ) համար պարտադիր պայման է դառնալու FDA-ի նախաշուկայան թույլտվության ձեռքբերումը։ Ներկայումս միակ պրոդուկտը, որ նման թույլատվություն ունի, Հայաստանում ևս առկա IQOS ծխախոտի տաքացման համակարգն է․ FDA-ի թույլտվություն ստացվել է ապրիլին, ուստի տվյալ զգուշացումները IQOS-ի վրա չեն տարածվում։ Գործակալության նպատակն է մաքրել շուկան չարտոնագրված ու սև շուկայում շրջանառվող պրոդուկտներից: Ինչպես նշում է ԱՄՆ Առողջապահության և սոցիալական ծառայությունների նախարար Ալեքս Ազարը, այս ամենն արվում է շուկան մի շարք էլ. սիգարետներից մաքրելու համար, քանի որ այն լի է ոչ լիցենզավորված և անհայտ ծագում ունեցող պրոդուկտներով։
FDA-ն այս ընթացքում 8,600 զգուշացման նամակ է ուղարկել ու ավելի քան 1000 քաղաքացիական տույժի է ենթարկել տարբեր ընկերությունների՝ անչափահասներին նիկոտինի էլեկտրոնային համակարգերի կամ դրանց բաղկացուցիչ մասերի վաճառքի համար:
Աղբյուրը` fda.gov
