Apple ամերիկյան կորպորացիան սեպտեմբերին կներկայացնի iPhone երեք նոր սմարթֆոն և MacBook Pro նոթբուք՝ ավելացված 16-դյույմանոց էկրանով: Այդ մասին օգոստոսի 22-ին հայտնել Է Bloomberg գործակալությունը՝ հղում անելով իր աղբյուրներին:
Սմարթֆոնների նոր մոդելները ենթադրաբար կկոչվեն Pro iPhone. դրանք կփոխարինեն iPhone XS, iPhone XS Max և iPhone XR սմարթֆոններին: Նորույթները հանդերձված կլինեն լրացուցիչ խցիկով, ինչը «թույլ կտա օգտատերերին՝ ավելի մեծ տարածություն ընդգրկել օբյեկտիվի տեսադաշտում»՝ գրում է գործակալությունը: Դրանցում նաև կտեղակայվի դեմքի եռաչափ սքանավորման սենսորի Face ID արդիականացված համակարգը: Բացի այդ, կմեծացվի սարքերի անջրաթափանցիկությունը, կնորացվի OLED դիսփլեյը, կհայտնվի A13 ավելի հզոր պրոցեսորը:
Միաժամանակ Bloomberg-ը նշում է, որ նոր մոդելները չեն ապահովի հինգերորդ սերնդի (5G) շարժական կապը:
Ինչ վերաբերում է 16-դյույմանոց էկրանով MacBook Pro-ին, ապա այն ամենամեծը կդառնա ընկերության նոթբուքերի շարքում: Բացի այդ, Apple-ը պլանավորում է թողարկել iPad Pro նոր պլանշետներ՝ «բարելավված ֆոտոխցիկով և ավելի հզոր պրոցեսորով»:
