Թաիլանդի ընտրական հանձնաժողովը սկսել է հետաքննություն իրականացնել վարչապետի պոտենցիալ թեկնածու Յինգլուք Չինավատի նկատմամբ, որին մեղադրում են ընտրությունների ժամանակ խարդախություններ անելու մեջ: The Bagkok Post-ը մասնավորապես գրել է, որ Չինավատն իր ընտրողներին լապշա է նվիրել՝ դրա դիմաց ստանալով նրանց քվեները:
Չինավատը վերջերս կայացած խորհրդարանական ընտրությունների ժամանակ ջախջախիչ պարտության է մատնել գործող իշխանությանը, որն այն ստանձնել էր Յինգլուքի եղբորը՝ երկրի նախկին վարչապետ Թաքսիմ Չինավատին, գահընկեց անելուց հետո: ԿԸՀ ղեկավարն ասել է, որ լապշայի գործով հետաքննության արդյունքները ստացված են, և հանձնաժողովի նիստ կգումարի հուլիսի 12-ին:
Նշվում է, որ վարչապետի պոտենցիալ թեկնածուն ոչ թե ինքն է բերել այդ լապշան, այլ այն պատրաստելիս մոտեցել է պատրաստողներին և իր օգնությունն առաջարկել: Չինավատն ասել է, որ ոչ մի լապշա ինքը չի բաժանել, ինչը կարող են հաստատել լրագրողները, որոնք այդտեղ են եղել:
