Ֆրանսիայում գիտնականները պեղումների ժամանակ հայտնաբերել են չափազանց մեծ չափերի կենդանու ազդրային ոսկոր: Այդ մասին գրում է The Daily Star-ը:
Ենթադրվում է, որ այդ չափի ոսկորով կենդանին կարող էր հասնել մինչեւ 30 մ-ի: Մասնագետները նշել են, որ այն համադրելի է Պատագոտիտան տեսակի դինոզավրերի չափերի հետ:
Սակայն ոսկորի իրական պատկանելիությունը դեռ ճշտված չէ:
Ենթադրվում է, որ նման ոսկորի տերը մոլորակի վրա ապրել է 140 մլն տարի առաջ: «Այս ոսկորը հսկայական է: Այն հիանալի պահպանվել է», նշել է Անգուլեմա թանգարանի աշխատակից Ժան-Ֆրանսուա Տուրնեշպիշը:
Նրա խոսքերով, նման գտածոներ շատ հազվադեպ են պատահում: Ոսկորը կարող էր փշրվել սեփական քաշի ծանրության տակ:
Ավելի վաղ հայտարարվել էր, որ հնէաբանները Եգիպտոսում գտել են աշխարհում ամենահին մարդկային մնացորդները:
