Աֆղանստանից մոտ քառորդ միլիոն կին դիմել են ՄԱԿ-ի գլխավոր քարտուղար Պան Գի Մունին՝ իրենց երկրում բռնությանը վերջ դնելու խնդրանքով: Ինչպես հայտնել են համաշխարհային կազմակերպության մամլո ծառայությունում՝ միջնորդագիրը ՄԱԿ-ի աշխատակազմի ղեկավարին է հասել ուրբաթ օրը:
«Գլխավոր քարտուղարը ստացել է Աֆղանստանում խաղաղության և հրադադարի կոչով նամակը, որի ներքո ստորագրել են գրեթե քառորդ միլիոն կանայք երկրի բոլոր ծայրերից»,- նշվում է կազմակերպության գրասենյակի տարածած հայտարարության մեջ:
Գլխավոր քարտուղարը ողջունել է այս նախաձեռնությունը, որը, նրա կարծիքով, «համապատասխանում է» Անվտանգության խորհրդի բանաձևի «ոգուն» և «ևս մեկ հիշատակություն է այն բանի, որ աֆղանցի ժողովուրդն իր երկրում խաղաղություն է պահանջում»՝ գրում է ITAR-TASS-ը:
