«Մենք Սահմանադրության նկատմամբ մեր բոլոր մոտեցումները, դիրքորոշումները կառուցում ենք ոչ թե փաստաթղթի ճշգրիտ էությունը գնահատելով, այլ ավելի շատ որակի նկատմամբ մեր պատկերացումները հիմքում դնելով, ինչը շատ սխալ է»,- հայտարարեց ԲԴԽ նախկին անդամ Գևորգ Դանիելյանը:
Նրա խոսքով՝ հռչակվեց, որ վերջին քաղաքական իրադարձությունները հեղափոխություն են, բնականաբար խախտվել է նաև Սահմանադրությունը. «Սա ես չեմ ասում՝ իրենց ներկայացուցիչներն են պնդում: Եվ եթե խախտվել է Սահմանադրությունը, ապա ո՞րը պետք է լիներ հաջորդ քայլը. հաջորդ քայլը պետք է լիներ Սահմանադրության փոփոխությունը: Բայց հաջորդ քայլը դա չեղավ: Հաջորդ քայլը եղավ այն, որ որոշեցին՝ Սահմանադրությունը թող մի քիչ աշխատի, ապրենք տեսնենք՝ գուցե լավ Սահմանադրություն է, կամ գուցե փոփոխելու կարիք կա»:
Նա հստակեցրեց. «Ես Սահմանադրությունը փոխելու կոչ չեմ անում, ընդամենն ասում եմ՝ որը պետք է լիներ տրամաբանական քայլը»:
Մանրամասն՝ տեսանյութում:
