Ես ձեզ մի փոքրիկ գաղտնիք բացեմ։ Կոտայքի մարզի համայնքներից մեկի ղեկավարը իր հողամասերի քանակով Հայաստանում երրորդ հողատերն է։ Այս մասին այսօր լրագրողներին հայտնեց Կոտայքի մարզպետ Ռոմանոս Պետրոսյանը։ Նա հրաժարվեց տալ այդ նախկին պաշտոնյայի անունը, քանի որ այս փաստերը հարուցված գործի մասին են, և այդ գործը նախաքննության փուլում է։
Պետրոսյանը բացատրեց, որ այդպիսի հողակտորներ հնարավոր է եղել ձեռք բերել այնպիսի մեխանիզմներով, երբ ցածր կադաստրային գների 30-50 տոկոսով նշանակվել են աճուրդներ, բայց հանրային իրազեկում չի իրականացվել։ Արդյունքում` այդ աճուրդների մասին իմացել են ընտրյալները, որոնք էլ շուկայականից շատ էժան գնով գնել են այդ տարածքները։
