ԼՀԿ խմբակցության պատգամավոր Արման Բաբաջանյանը ֆեյսբուքյան իր էջում գրել է․
Ռուս-Վրացական հարաբերություններում լարվածությունն աճում է ժամ առ ժամ։ Մի կողմից Վրաստանում ավելի լայն թափ են հավաքում հակառուսական ուղղվածություն ունեցող բողոքի ցույցերը, մյուս կողմից Ռուսաստանը տեղի ունեցողը ակնհայտորեն ցանկանում է օգտագործել իր աշխարհաքաղաքական նպատակաների համար։ Ռուսաստանում արդեն խոսում են հնարավոր ռազմական միջամտության մասին։ Ռուսաստանի պաշտպանության նախարարի մակարդակով հայտարարվել է զինված ուժերը մարտական պատրաստության բերելու մասին։
Պաշտոնական հաղորդագրություններոմ նշվում է, որ դա վերաբերում է նաև Հայաստանում տեղակայված ռուսական ռազմաբազային։ Իրավիճակը չափազանց վտանգավոր է Հայաստանի համար ոչ միայն այն պատճառով, որ այդ դրամատիկ իրադրաձությունները տեղի են ունենում մեր հարևան և բարեկամ երկրում։ Ռուաստանի կողմից Հայաստանում տեղակայված ռազմակայանը Վրաստանի դեմ օգտագործելու հեռանկարը աղետալի է Հայաստնաի համար։ Հայաստանը որևէ պարագայում, որևէ հիմնավորմամբ ու որևէ պահանջով չպետք է թույլ տա իր տարածքը ռազմական գործողությունների նպատակով օգտագործել հարևան ու բարեկամ երկրի դեմ։ Ավելին՝ ստեղծված իրավիճակում Հայաստանը չպետք է կրավորական ու սպասողական կեցվածք ընդունի, քանի որ խոսքը մեր հարևան ու ռազմավարական դաշնակից երկրների միջև հարաբերությունների մասին է։
Հաշվի առնելով հակամարտող կողմերի հետ մեր խորը հարաբերությունները Հայաստանը կարող է հանդես գալ միջնորդական առաքելությամբ՝ դառնալով ռուս-վրացական սրվող հակամարտության հաշտեցման հարթակներից մեկը, ցանկալի է՝ գլխավորը։ Դա մի կողմից հնարավորություն կտա աջակցել մեզ համար չափազանց կարևոր երկու պետությունների միջև առճակատման թուլացմանը, մյուս կողմից լեգիտիմ փաստարկ կլինի մեր երկրի տարածքը ռազմական նպատակներով օգտագործելու հնարավորությունը բացառելու համար։
