67 տարեկանում մահացել է Եգիպտոսի նախկին նախագահ Մուհամմեդ Մուրսին՝ հաղորդում է Extra News ալիքը:
Լրատվամիջոցների հաղորդումների համաձայն՝ Մուրսին մահացել է լրտեսության գործով դատական նիստի ժամանակ, որտեղ նա գլխավոր մեղադրյալն էր: Սկզբում նա կորցրել է գիտակցությունը, դատավորը ընդմիջում է հայտարարել՝ աջակցություն ցուցաբերելու համար, սակայն բժիշկները հայտարարել են Եգիպտոսի նախկին նախագահի մահվան մասին:
2012 թվականին Մուրսին հաղթել էր նախագահական ընտրությունների երկրորդ փուլում: Համարվում է, որ նա Եգիպտոսի պատմության մեջ ժողովրդավարական կարգով ընտրված առաջին նախագահն էր, նա երկիրը կառավարեց մեկ տարուց մի փոքր ավելի, մինչև 2013 թվականի հուլիսի 3-ի ռազմական հեղաշրջումը, որի հետևանքով նրա ռեժիմը տապալվեց:
Մուրսիի ռեժիմի տապալումից հետո նոր ղեկավարները ձերբակալեցին նրան՝ մեղադրելով պետական դավաճանության, ինչպես նաև քաղաքական ռեպրեսիաներ հրահրող «Մուսուլման եղբայրներ» կազմակերպության հետ կապեր ունենալու մեջ: Հետագայում կազմակերպությունը ճանաչվեց ահաբեկչական:
2016 թվականին Կահիրեի քրեական դատարանը ցմահ ազատազրկման էր դատապարտել Մուհամեդ Մուրսիին:
