Ռուսաստանի հավաքականի գլխավոր մարզիչ Ֆաբիո Կապելոն Հայաստանի դեմ խաղից առաջ մամուլի ասուլիս է տվել, որը ներկայացնում ենք ձեր ուշադրությանը:
«Ֆուտբոլիստների այս կամ այն թիմեր տեղափոխությունն ինձ հետ առնչություն չունի: Ինչ վերաբերում է ավագի ընտրությանը, ապա դա այն ֆուտբոլիստն է, ով թիմը խաղադաշտ է դուրս բերում թևկապով: Այս անգամ դա կանի Շիրոկովը:
Հիմնավորեմ, թե ինչու եմ հրավիրել Բելյաևին և չեմ հրավիրել Դյուբային: Նախորդ մրցաշրջանի ընթացքում հետևել եմ Բելյաևի խաղին: Նա հետաքրքիր ֆուտբոլիստ է: Որոշեցի փորձել նրա ուժերը: Հիմա Դյուբայի մասին: Ասում են, որ ինձ վրա կողմնակի ճնշում է գործադրվել: Վստահեցնում եմ, որ իմ կյանքում չկա այնպիսի մեկը, ով կարող է ազդեցություն ունենալ իմ որոշումների վրա, բացառություն է միայն հայրս: Եթե ես որոշում եմ կայացնում, ապա դա իմ ընտրությունն է: Մենք որոշել ենք նոր մոտեցում ցուցաբերենք: Իսկ Դյուբային ես շատ լավ գիտեմ:
Չեմ խոսի մեր այլ մրցակիցների մասին, քանի որ նախապատրաստվել ենք Հայաստանի ընտրանու դեմ խաղին և ամբողջովին կենտրոնացած ենք այդ հանդիպման վրա: Շատ ժամանակ ունենք` բոլորին ուսումնասիրելու համար:
Ցանկանում եմ շնորհակալությունս հայտնել «Կրասնոդար»-ին` հյուրընկալության համար: Մեզ համար շատ հաճելի է ամեն անգամ վերադառնալ այստեղ և նման ջերմ ընդունելության արժանանալ»,- նշեց Կապելոն:
Արեն Մկրտչյան, Կրասնոդար
