Հունգարիայի խորհրդարանը միաձայն վավերացրել է Հայաստանի Հանրապետության և Եվրամիության միջև կնքված Համապարփակ և ընդլայնված գործընկերության մասին համաձայնագիրը:
Այս առնչությամբ «Իմ քայլը» խմբակցության պատգամավոր Տաթևիկ Հայրապետյանը «Առաջին լրատվական»-ի հետ զրույցում նշեց. «Հունգարիան դա անում է ԵՄ հանդեպ իր պարտավորությունների շրջանակում, և այդ գործընթացը շղթայական է լինելու»:
Ինչ վերաբերում է Հունգարիայի հետ դիվանագիտական հարաբերությունների հնարավոր վերականգնմանը, մեր զրուցակիցն ասաց, որ չի կարծում, թե այդ մասին կարելի է խոսել Հունգարիայի ներկա վարչապետի ղեկավարության օրոք. «Նա հստակ ունի, այսպես ասած, խնդրահարույց հայացքներ, և հայտնի է, որ որոշակիորեն գործարքի մեջ է մտել, երբ տեղի է ունեցել արտահանձնման դեպքը: Հետագա գործընթացը ցույց կտա՝ հնարավոր կլինի՞ խոսել դիվանագիտական հարաբերությունների վերականգնման մասին, թե՞ ոչ: Համենայնդեպս, այս փուլում՝ չեմ կարծում»:
Անդրադառնալով Մեդվեդևի և Փաշինյանի հայտնի տեսանյութին, Տաթևիկ Հայրապետյանը իր անկեղծ զարմանքը հայտնեց, թե ինչպես են մարդիկ այդտեղ «կոմպրոմատ» գտել. «Այդ տեսանյութից ակնհայտ էր, որ դա աշխատանքային նորմալ մթնոլորտ էր, որտեղ կատակներ են անում:
Սակայն երևի մարդիկ կանխակալ վերաբերմունք ունեն. չեմ հասկանում փնտրտուքը պրոբլեմների այնտեղ, որտեղ դրանք գոյություն չունեն: Ես այդտեղ հեգնական ժպիտ չեմ տեսել, տեսել եմ ուղղակի հումոր ՌԴ վարչապետի կողմից»:
Առավել մանրամասն՝ տեսանյութում:
