«Մամուլի հետ սուրճ» հաղորդման ապրիլի 26-ի հյուրը Lragir.am կայքի լրագրող Ռոզա Հովհաննիսյանն է։
Մեր զրուցակիցն անդրադարձավ «Քաղաքացու օրվա» տոնակատարություններին և դրա շուրջ հնչող քննադատություններին.«Նախկինում տարբեր տոներին հարյուրավոր միլիոններ են ծախսվել, կասկածելի երգիչներ հրավիրել, հանրությանը հայտնի չի եղել,թե այդ գումարների մեծ մասն ինչի վրա է ծախսվել։ Հիմա թող մեկ անգամ նշվի, կհասկանանք, թե որքանով արդյունավետ կլինի։ Համաձայն չեմ այն ձևակերպումների հետ, թե ի՞նչ եք արել, որ հիմա տոն եք նշում։ Միայն այն, որ մթնոլոտ է փոխվել երկրում՝ քաղաքացու համար մեծ ձեռքբերում է»։
Ռոզա Հովհաննիսյանն անդրադարձավ նաև մեդիա դաշտի խնդիրներին և ընդգծեց, որ վաղուց կար անհրաժեշտություն զբաղվել ֆեյք լրատվության դեմ պայքարով.«Չի՛ կարելի «խոսքի ազատություն» անվան տակ զբաղվել լկտիությամբ»։
