«Այս օրվա խորհուրդը համարում եմ այն, որ մենք պիտի լինենք ուժեղ, լինենք խելացի, լինենք ճկուն, որպեսզի ոչ միայն նման բան այլևս թույլ չտանք, այլև մեր հայրենիքից այլևս երբեք ոչինչ չկորցնենք»,- Հայոց ցեղասպանության 104-րդ տարելիցի առթիվ Ծիծեռնակաբերդում «Առաջին լրատվական»-ի հետ զրույցում ասաց Արամ Սարգսյանը:
Նա նշեց, որ ինքը չի գնում Ծիծեռնակաբերդ ինչ-որ բան ցույց տալու, ինչ-որ բան պահանջելու կամ ապացուցելու համար. «Ապացուցելու լավագույն ձևը ուժեղ պետություն դառնալն է: Եթե ՀՀ իշխանությունները կամ արտգործնախարարը Մասիս սարի գագաթից ասեն, որ հիշում և պահանջում են, դրանից բան չի փոխվելու: Բնության մեջ էլ է այդպես՝ ուժեղ կենդանիները խժռում են փոքրերին»:
Ինչ վերաբերում է հայ-թուրքական արձանագրություններին, Արամ Սարգսյանն ասաց. «Ես իմ կարծիքը հայտնել եմ՝ ստորագրելուց հետո Հայաստանի խորհրդարանը պետք է վավերացներ: Այդ դեպքում ամբողջ խնդիրը կմնար Թուրքիայի վրա, և Թուրքիան կկանգներ փաստի առաջ: Այդ հետ կանչելը շատ ավելի կոպիտ սխալ էր, քան ստորագրելը»:
Առավել մանրամասն՝ տեսանյութում:
