Շվեյցարական բանկերը սառեցրել են Ուկրաինայի 20 քաղաքացիների ակտիվները: Ավելի վաղ համանման որոշում էր կայացրել Ավստրիայի ղեկավարությունը 18 ուկրաինացիների հանդեպ: Վիեննայում նշել են, որ պատժամիջոցներ են սահմանվել անձանց հանդեպ, որոնք կասկածվում են կոռուպցիայի և մարդու իրավունքների ոտնահարման մեջ՝ հաղորդում է Interfax-ը:
Չի հաղորդվում անձանց անունները, որոնց հաշիվները սառեցվել են: Մարդու իրավունքների ոտնահարման և Կիևում ցույցերի ժամանակ մարդկանց մահվան մեջ մասնակից ուկրաինացիների դեմ պատժամիջոցներ սահմանելու մասին որոշումը կայացվել է փետրվարի 20-ին: Պատժամիջոցների օգտին քվեարկել են ԵՄ երկրների արտգործնախարարները:
Հիշեցնենք, որ ԱՄՆ բանկերը ուկրաինացիների հաշիվները սկսել են արգելափակել փետրվարի 19-ից սկսած: Պատժամիջոցներ են կիրառվել 20 բարձրաստիճան պաշտոնյաների հանդեպ, որոնք Վաշինգտոնի կարծիքով՝ մեղավոր են երկրում բռնություն կիրառելու և մարդու իրավունքների ոտնահարման մեջ:
