Բավականին հետաքրքիր զարգացումներ են տեղի ունենում, թե արդյոք բանակցային սեղանին կա «Լավրովի պլանը»: Այս մասին «Առաջին լրատվական»-ի հետ զրույցում նշեց քաղքագետ Գրետա Ավետիսյանը:
«Լավրովը իր հայտարարության մեջ նշել է, որ բանակցությունների հիմքը, որը որ ընթանում է՝ դա ԵԱՀԿ Մինսկի խմբի համանախագահության ներքո ընթացող գործընթացն է և հայտարարությունները, որ մինչ այժմ տեղի են ունեցել»,-նշեց քաղաքագետը:
ՄԱՀՀԻ ղեկավար, քաղաքագետ Ստյոպա Սաֆարյանի խոսքով՝ ըստ էության ինչ-որ փաստաթուղթ եղել է, դա չի նշանակում, որ բանակցության բովանդակության մեջ բան է փոխվել: «Սեղանի վրա ընդհանրապես որևէ բան չկա: Եթե ուշադրություն դարձնենք Մամեդյարովի խոսքերին կամ այս ժլատ տեղեկությանը՝ ապա քննարկվել են հարցեր, բնականաբար Ադրբեջանը իր փորացավն ունի, իհարկե խոսվել է կարգավորման մասին, բայց ոչ տարբերակների մասին:
Ըստ Սաֆարյանի՝ ամբողջ խնդիրն այն է, որ Ադրբեջանը հրաշալի հասկանում է՝ Մինսկի խմբի համանախագահության շրջանակներում տեղի ունեցող բանակցությունները իրեն լավ բան չեն խոստանում․ «Ադրբեջանի ղեկավարությունը պատրաստ չէ իր հասարակությանը վաճառելու փոխզիջումային որևէ առաջարկ: Նրանք շատ հստակ բացատրել են՝ վերադարձնելու են ամբողջը և չի բավարարվելու մասով: Բաքվի փրկօղակը Ռուսաստանն է»:
