Այսօր՝ ապրիլի 8-ին, Ազգային ժողովում հրավիրվել է արտահերթ նիստ: Քննարկվում է Հարկային օրենսգրքում փոփոխություններ կատարելու նախագիծը առաջին ընթերցմամբ ընդունելու մասին հարցը:
Ինչպես հայտարարեց ԱԺ տնտեսական հարցերի հանձնաժողովի նախագահ Բաբկեն Թունյանը՝ բոլորը կարծում էին, թե ապրիլի 1-ից գազալցակայաններում գազը պետք է վաճառվեր կգ-ով, մինչդեռ օրենքն այսօր է քննարկվում. «Առաջարկել ենք, որ օրենքն ուժի մեջ մտնի հրապարակմանը հաջորդող ամսվա 1-ից, այսինքն՝ ընդունվելու դեպքում օրենքն ուժի մեջ է մտնելու մայիսի 1-ից»:
Նրա խոսքով՝ զարմանալի էր, որ գազալցակայաններում թանկացումը համընկավ ապրիլի 1-ին. «Այսինքն՝ դա ցույց տվեց, որ գազի թանկացումը գազալցակայաններում այս օրենքի ընդունման հետ ընդհանրապես կապ չունի, և այստեղ մեծ գործ ունեն շուկայի վերահսկողության տեսչությունը և ՏՄՊՀ-ն»:
Նա պատկան մարմիններին կոչ արեց ուշադրություն սևեռել այդ ամենին, որ որևէ մեկը չփորձի այս ամենից օգուտ քաղել:
Մանրամասները՝ տեսանյութում:
