ԱՄՆ Կալիֆոռնիա նահանգի Սան Ֆրանցիսկո քաղաքի դաշնային տարածքային դատարանը Monsanto ագրոքիմիական ընկերությանը պարտավորեցրել է 80 մլն դոլար վճարել ֆերմերին, որի մոտ քաղցկեղ է ախտորոշվել, հավանաբար, Roundup հերբիցիդի օգտագործման պատճառով: Այս մասին հաղորդում է San Francisco Chronicle պարբերականը:
Երդվյալ ատենակալների կոլեգիայի որոշման համաձայն, Monsanto-ն սպառողներին պատշաճ կերպով չի տեղեկացրել, որ Roundup-ը կարող է մարդկանց մոտ քաղցկեղ առաջացնել: Փոխհատուցումը նախատեսված է Կալիֆոռնիայի 70-ամյա բնակիչ Էդվին Քարդմանի համար, որը 26 տարի շարունակ իր հողամասում Roundup հերբիցիդ է օգտագործել: Նա դատարանին պատմել է, որ հաճախ պատահաբար ձեռքերը աղտոտել է տվյալ նյութով կամ շնչել է դրա գոլորշին: 2015-ին բժիշկները Քարդմանի մոտ քաղցկեղ են ախտորոշել:
Երդվյալ ատենակալների կոլեգիան գտել է, որ Քարդմանի մոտ ուռուցքի առաջացման պատճառներից մեկը Monsanto-ի արտադրած հերբիցիդի օգտագործումն է:
Ավելի վաղ, այս տարվա սկզբին, Սան Ֆրանցիսկոյի մեկ այլ դատարան ընկերությանը պարտավորեցրել է 78 միլիոն դոլար վճարել ևս մեկ տուժածի՝ Դուեյն Ջոնսին, որը նմանատիպ մեղադրանք էր ներկայացրել Monsanto-ին:
