ԱԺ արտաքին հարաբերությունների մշտական հանձնաժողովի նախագահ, «Իմ քայլը» խմբակցության անդամ Ռուբեն Ռուբինյանը չի հիշում վերջին մի քանի տարիների ընթացքում նախկին որևէ պաշտոնական հայտարարություն, ծրագիր, ըստ որի՝ Արցախը պետք է վերադառնա բանակցային սեղանի շուրջ: Այդ մասին այսօր նա նշեց հանձնաժողովի նիստում կառավարության 2018թ. ծրագրի կատարողականի քննարկման ընթացքում:
Նրա խոսքով՝ երբ պետությունը սկսում է նախաձեռնողական քաղաքականություն վարել, կան տարբեր միջազգային խաղացողներ և այդքան հեշտ չի լինելու. «Սա գործընթաց է և սպասել, որ մի քանի ամսվա ընթացքում այդ գործընթացը պետք է հեշտությամբ պսակվի հաջողությամբ, այդքան էլ ճիշտ չէ»:
«Մենք հիմա գտնվում ենք շատ կարևոր փուլում, տեղի է ունենում շատ կարևոր գործընթաց, երբ ՀՀ-ն վերաիմաստավորում է արտաքին քաղաքականության ոճը, որով առաջ են տարվում մեր առաջնահերթությունները, և ես շատ կարևորում եմ, որ կառավարությունը, անկախ մեր կուսակցական պատկանելիությունից, ունենա լիակատար աջակցություն»,- նշեց Ռուբինյանը:
Մանրամասն՝ տեսանյութում:
