Հարցման ընթացքում, որին մասնակցել են մեգապոլիսների 34 հազար բնակիչներ, պարզվել է, որ աշխարհի լավագույն քաղաքների վարկանիշում առաջին տեղը զբաղեցնում է Նյու Յորքը: Այդ մասին հայտնել է Time Out-ը:
Երկրորդ տեղում հայտնվել է Ավստրալիայի մեծությամբ երկրորդ քաղաքը՝ Մելբուռնը, երրորդում՝ Չիկագոն: Հնգյակը եզրափակել են Լոնդոնը և Լոս Անջելեսը: Ցուցակում, տեղի բնակիչների կարծիքով, տեղ են գտել նաև Մոնրեալը, Բեռլինը, Գլազգոն, Փարիզը և Տոկիոն: Մոսկվան հայտնվել է 36-րդ հորիզոնականում՝ մեկ դիրք զիջելով Շանհային և առաջ անցնելով Դելիից, Սիեթլից, Սիդնեյից, Աբու-Դաբիից, Հոնկոնգից, Բոսթոնից, Ռիո դե Ժանեյրոյից, Մարսելից և Բանգկոկից:
Ինչպես նշում Է պարբերականը, հարցման ընթացքում հաշվի են առնվել զանազան չափանիշներ՝ տեղական խոհանոցը, մշակույթը, գիշերային կյանքը, քաղաքի գեղեցկությունը, փոխադրամիջոցների հասանելիությունը և հարմարավետությունը, ինչպես նաև երջանկության ընդհանուր մակարդակը, հաղորդել է ՌԻԱ Նովոստին:
